CLETO TORRODELLAS (1868-1939)

Cleto Torrodellas va ser un poeta popular en el plleno sentiu d'ixa expresion. Los versos suyos s'han recitau per Ribagorça i Sobrarbe sentius como literatura oral. Esta edicion apllega la obra complleta de l'autor estadillano, la que s'heva difundiu i la que aguardava a que'l fesen. Los versos y romances de Torrodellas estan teixius con el filo de la vida rural, los sentimientos, las devocions, el pensamiento feit sobre el paso de la vida? tal como se sentiva en aquels tiempos finiseculars que van significar la fin d'una sociedat tradicional de la que Cleto é la voz qu'el pueblo feva suya. Los versos suyos ya no tienen miedo a marchar, perque se hi quedan aquí, entre nusatros.
Querriam que al posar-los de manera definitiva per escrito se feiga digno tributo a ixe home sencillo. Querriam qu'estes versos no sigan ya de cobre, sino de la sustáncia d'ixo que le cal a la nuestra cultura, el fierro de l'aladro que é la trasmision de la llengua, como aquels que fa quasi una centúria aprendevan i divan los romances de Cleto.